Мұнай бағасының өсуі жалғасса, қазақстандық ұлттық компаниялардың IPO саудасына шығу процесі қарқын алуы мүмкін.
Бұл туралы Стратегиялық жоспарлау және реформалар агенттігі хабарлады. Бұл бірінші кезекте «Самұрық-Қазына» ұлттық әл-ауқат қорына қарасты мекемелерді қамтиды. Қордағылардың айтуынша, «ҚазМұнайГаз», «Қазақстан темір жолы» және «Қазатомпром» сияқты компаниялардың акциялар пакетін жекешелендіру 2022-2023 жылдарға жоспарланған. Бірақ бұған қарамастан биыл кейбір жеке компаниялар Астана Халықаралық қаржы орталығының алаңына шығуын жалғастыруы ықтимал.
Қайрат Келімбетов, ҚР Стратегиялық жоспарлау және реформалар агенттігінің төрағасы:
- Менің ойымша, қара алтын бағасы жоғарылай берген сайын IPO-ға шығу процесі тек жеделдей түседі. Мәселен, ол үшін мұнайдың орташа құны баррелі үшін 65 долларды құрауы керек. Биылғы болжамымыз осындай.