CNN Travel: Алматы 2025 жылы саяхаттауға тұрарлық мекен

Алматы шаһары 2025 жылы саяхаттауға тұрарлық ең үздік орындар тізіміне енді.

CNN Travel туристтік тұрғыдан ең тартымды 25 бағыттың тізімін жариялады. Басылымның мәліметінше, Қазақстан ерекше мәртебеге лайық деп танылды. Ал Алматы қаласы саяхаттауға тұрарлық көрікті жерлердің тізіміне енді. Орталық Азияның «Жаңа стиль астанасы» атанған шаһар гастротуризм, түнгі ойын-сауық, заманауи өнер мен мәдениетті ұштастырған әлемдегі бірегей қала. Сонымен қатар Тянь-Шань тауы бөктеріндегі қала саяхатшыларға тұмса табиғатты кедергісіз тамашалауға мүмкіндік береді. Басылым Алматыға жету бұрынғыдан да оңай бола түскенін атап өткен. Қала Еуропа, Азия және Таяу Шығыс елдерімен тікелей әуе рейстерімен байланысады.