Абай облысында 100-ден астам көлік қар құрсауында қалып қойды
Абай облысында кешелі бері 100 жеңіл автокөлік, бір автобус пен 15 жүк көлігі қар құрсауында қалып қойды.
Ал оларды құтқаруға шыққан арнайы колона күн райының бұзылуына байланысты діттеген жеріне жете алмады. Жағдай тұрақталған соң құтқарушылар Көкпекті ауылына жол талғамайтын көлікпен барып, жеті адамды эвакуациялады. Зардап шеккендер жоқ.