Астанада қала сыртына қатынайтын автобус қозғалысы жанданды
Астанада автобус қатынасы толық жанданды, деп хабарлайды 24kz.
Бүгін таңертең қала сыртына қатынайтын 317-ші және 329-шы автобустың қозғалысы уақытша тоқтаған еді. Сондай-ақ 50-ші автобус желіге шықпады. Кеше кешкісін Қарағанды, Павлодар, Көкшетауға қарай қатынайтын жолдар жабылғандықтан, қала сыртына шығатын 5 бағыттағы автобус қозғалысы уақытша тоқтаған еді. Таңертең жол ашылып, қоғамдық көлік қатынасы қайта жанданды. Жексенбі болғандықтан, көлік саны көп емес. «Сол себепті коммуналдық қызметтер күрежолдарды тездетіп күреді», - дейді қоғамдық көлікке жауапты компанияның орталық диспетчерлік қызметі.