Астанадан бір түннің ішінде 2400 текше метр қар шығарылды
Астанада тоқтаусыз жауған қарды тазалау жұмысы қарқын алды, деп хабарлайды 24kz.
Түннен бері күшейтілген жұмыс тәртібіне көшкен коммуналдық қызметтердің 1200 техникасы мен 2400-ден астам жұмысшысы жұмылған. Бір түннің ішінде 2400 текше метр қар шығарылды. Әкімдіктегілер, ең алдымен, жолдарда кептеліс болмас үшін көлік қозғалысы қарқынды аймақтары тазартылатынын айтады. Сондай-ақ қозғалыс қарқыны орташа учаскелер мен алаңдар, вокзал аумағы, тротуарлар, әлеуметтік нысандарға кірме жолдардағы қар күреледі. Қазіргі уақытта астананың коммуналдық қызметі тәулік бойы жұмыс істеуге көшті. Арнамыздың түсірілім тобы халықпен тілдесіп, қар күреу жұмысына қатысты пікірін білген еді. Тұрғындар коммуналық қызметтердің жұмысын оң бағалап отыр.