Қазақстан авиация саласындағы беделді сыйлықтың иегері атанды

Мұндай мезірет АҚШ-та өткен жыл сайынғы Air Traffic Control Association 2024 конференциясында табысталды.

Аталмыш марапат үш санатты қамтиды. Әуе қозғалысына қызмет көрсету, индустрия және шағын бизнес. Сондай-ақ әскери еңбек жетістіктері де қаралады. Ұйымдастырушылар бар-жоғы 10 номинация ұсынды. «Қазаэронавигация» әуе қозғалысына қызмет көрсету бағытында үздік нәтиже көрсетті. Бұл санатқа қатысу үшін 40-тан астам елден өтінім түскен. Мұндай мерейлі марапатты Қазақстан тұңғыш рет алып отыр. Айта кетейік, былтыр дәл осы сыйлық АҚШ Федералдық азаматтық авиация басқармасына берілген еді. Сарапшылар мұны еліміздің авиация саласын дамытудағы және оның халықаралық аренадағы позициясын нығайтудағы тағы бір маңызды қадам деп бағалайды.