Таразда «Асқақ рухты Әулиеата» атты поэзия кеші өтті
Мерекелік шараға белгілі өнерпаздар, әдебиет пен мәдениет әлемінің майталмандары, сондай-ақ жас таланттар мен жырсүйер қауым қатысты.
Рухани кеште республикалық әдеби-мәдени байқаудың жеңімпаздары марапаттады.
Поэзия кеші театрландырылған көрініспен басталды. Шара барысында ұлттық өнер мен шығыс ш айырларының шығармашылығы үндесіп, қаламгер қауымы өз өлеңдері мен белгілі ақындардың жырларын оқыды.
Мәдени кездесу Жамбыл облысының 85 жылдығына орай ұйымдастырылған. Соның аясында бір ай бұрын ақын-жазушылар арасында әдеби байқау жарияланған еді. Шығармаларда Жамбыл жері мен аймақтан шыққан тұлғалар қамтылуы тиіс. Бүгін соның жеңімпадары марапатталды. Жүлдегерлер қатарында Нұржан Қуантай, Ерлан Жүніс, Болатбек Төлепберген мен Нұрғали Ораз бар. Ал журналист, сатирик Бақытжан Әлімқұлов «Сатира жанры» номинациясы бойынша жеңімпаз атанды. «Драматургия» номинациясын Иранбек Оразбаев жеңсе, жазушы Ырысбек Дәбей Несіпбек Дәутайұлы атындағы жүлдеге лайық деп танылды.
Ырысбай Дәбей, жазушы:
- 2000-жылдары әдебиетке келген буын бар ғой. Соған ол кісі өте қамқор болды. Өлеңдерін шығарды гонорар төледі. Ол кезде ондай жағдай жоқ етін көп журналда. Сол бір жылы кезді сол кездегі әдеби көңіл күйді қоғамның аурасын беруге сол бір естеліктер мені жазуға итермеледі.
«Жыр-терме» аталымы бойыша ақын, сазгер Жанатбек Тұрғымбай мен ақын Бауыржан Жақып жүлдеген атанды. Жүзден жүйрік шыққан жеңімпаздарға диплом мен 1 млн теңгеден берілді. Облыс әкімі Ербол Қарашөкеев шығармашыл қауымды құттықтап, аймақта келер жылды «кітап оқу жылы» деп жариялады.
Маралтай Райымбекұлы, ақын:
- Қазір кітап оқу трендке айналып жатыр барлық жерде. Жастар да үлкендер де қазір қолдарына кітап ұстап жүреді. Скл Болашағы бар ұрпақ болашағы бар мемлекет өзін сыйлайтын мемлекет осындай нәрсеге мән беру керек кітапқа.
Жалпы өңірде кейінгі жылдары ақын-жазушыларды қолдау бағытында поэзиялық кештер ұйымдастырылып тұрады. 30-ға жуық қаламгердің жеке кітабы мен жинақтары жарық көрді.
Авторлары: Мерей Бает, Елдар Байділдә