Елордадан 30 мың текше метр қар шығарылды
Елордада өткен тәулікте 30 мың текше метр қар шығарылды.
Қаланы тазартуға 2600-ден аса жұмысшы мен 1500-ден астам техника жұмылдырылды. Қыс басталғалы елордадан 100 мыңға жуық рейспен 1,2 млн текше метрден астам қар шығарылды. Ең алдымен, қалада кептеліс болмас үшін қарқынды қозғалыс учаскелері тазаланады. Яғни оған орталық көшелер, жолаушылар көлігі маршруттары, аялдамалар мен тротуарлар жатады. Сондай-ақ елордада бірнеше жабдықталған қар полигоны жұмыс істейді.