Астанада соғыс ардагерлеріне 5 млн теңгеден төленеді

Жеңістің 80 жылдығына орай соғыс ардагерлеріне төленетін төлемақы мөлшері 2,5 есе ұлғаяды, деп хабарлайды 24KZ. Осылайша астаналық ардагерлердің әрқайсысына 5 миллион теңгеден беріледі. Қазір елордада 6 ардагер тұрады.

Бұдан басқа соғыс ардагерлеріне теңестірілгендер, өзге мемлекеттердің аумағындағы әскери қимылдарға атсалысқандарға 176 940 теңге жеңілдік қарастырылған. Ал тыл еңбеккерлері, қайтыс болған әскери қызметшілердің отбасылары 15 айлық есептік көрсеткіш мөлшерінде төлемақы алады.