Чехия да коронавирусқа қарсы вакцинаның бірінші және екінші дозасын егудің арасын 42 күнге ұзартты.
Бұл «Файзер» және «Модерна» екпелеріне қатысты шара. Шешімді Чех Республикасының Денсаулыққа төнген қауіп-қатер мәселелері бойынша үкімет кеңесі мақұлдаған. Елдің Денсаулық сақтау министрлігі бұл шара кәсіби тұрғыда әбден зерттеліп, енгізілді, сондықтан еш алаңдаудың қажеті жоқ деп мәлімдеді. Дәл осы сәтке дейін Чехияда 1 миллионнан астам адам екпе салдырған. Бұл халықтың әзірге 10 процентіне де жетпейді.