Малайзияда ересек азаматтардың 87% екпе салдырды

Малайзияда ересек адамдардың шамамен 87 проценті коронавирусқа қарсы вакцина алған. Бұл туралы билік өкілдері хабарлады.

Бұл вакциналау науқанының сәтті жүргізілуімен байланысты. Мәселен, қыркүйектен бастап ковидке қарсы препарат малайзиялық жеткіншектерге де салына бастады. Ал мемлекеттік қызметшілер жуырда тіпті екпе салдыруға міндеттелді. Осылайша қазан айында ел билігі шектеу шараларының біразын алып тастамақ. Ересек азаматтарды вакциналау көрсеткіші 90 процентке жеткенде халықаралық әуе қатынасын қайта жандырмақ.