Үндістанның солтүстігіндегі Уттаракханд штатында тасқыннан 41 адам ажал құшты.
Ассошиейтед Пресс агенттігінің хабарлауынша, тағы бірнеше тұрғын үйінділер астында қалып қойған. Сондай-ақ ондаған кісі із-түзсіз жоғалып кетті. Іздеу-құтқару операциясы жалғасуда. Ұлттық Метеорология қызметінің ауа райы болжамы көңіл көншітпейді. Олардың мәліметі бойынша жауын-шашын әлі 2 күн бойы толастамайды.
Пушкар Синх Дами, Уттарракханд штатының басшысы:
- Тасқын егін алқаптарын, жолдар мен көпірлерді шайып әкетті. Жергілікті шаруалар үлкен қиындыққа ұрынып отыр. Біз қолдан келгенше жағдайды реттеуге тырысып жатырмыз.