2021 жылы климат рекордты түрде өзгеріске ұшыраған

БҰҰ мәліметі бойынша 2021 жылы климаттық өзгерістің рекордтық көрсеткіші орнады.

Мамандар әлемдік мұхит суының 10 сантиметрге көтерілуіне, оның жылынуы мен атмосферадағы парниктік газдың артуына және мұздықтардың еру жылдамдығына алаңдаушылық білдіріп отыр.

Айтуынша, бұл құбылыстар адамзат өмірі мен жер бетіндегі тіршілік көзіне үлкен қауіп төндіруде. Климаттық дағдарыстың белең алуынан жаһанда табиғат апаттары жиілей түсті. Салдарынан әлем экономикасы зардап шегіп, адам шығыны артуда. Мәселен, күні кеше қар құрсауында қалған Бразилияда 1 адам мерт болды. Синоптиктер ерекше құбылыс «Якекан» циклонымен байланысты дейді. Жалпы соңғы жылдары әлемнің түкпір-түкпірінде су тасқыны, орман өрті мен қуаңшылық жиі тіркеле бастады.

Мамандардың болжауынша, алдағы жылдары климаттың өзгеруінен қатты зардап шеккен елдердің қатары 129-ға жетуі мүмкін.