Боливияда жаяу жүргіншілер күні мерекеге айналған
Боливияда дәстүрлі жаяу жүргіншілер мен велосипедшілер күні аталып өтіп, барлық қаладағы көлік жүрісі тоқтатылды, деп хабарлайды «Хабар 24».
Ел астанасы Ла-Пас көшелері жаяу және велосипедпен жүрген адамдарға толды. Концерттер қойылып, спорттық іс-шаралар ұйымдастырылды. Боливияда жаяу жүргіншілер мен велосипедшілер күні 2011 жылдан бері аталып өтіледі. Шара азаматтардың қоршаған орта туралы таным-түсінігін арттыру үшін қабылданған.
Эстефани Васкес, тұрғын:
– Боливияда қалалар қатты ластанған. Коронавирус індеті аяқталып қалды. Біз таза ауамен тыныс алуымыз қажет. Сондықтан бұл бастаманы жылына бір емес екі рет өткізу керек деп ойлаймын.