Франция блогерлерді бақылауға алады

Францияда әлеуемттік желілердегі блогерлерге қатысты заң қарастырылғалы жатыр.

Оны бақылауға алуды осы елдің Экономика министрі ұсынды. Бұл бастамаға әлуметтік желіде белсенділер не дейді? 

Париж орталығында блогерлердің кездесуі жиі болып тұрады. Олар бұл жолы шаһардың құпия орындары бойынша квест-ойын өткізуге жиналған. Арасында Дельфин есімді танымал блогер бар. Ол азық-түлік, демалыс орындарын зерттеп, оқырмандарымен жеңілдік және тағы басқа артықшылықтармен бөліседі. Дельфин биліктің бұл нарықты реттеудің бірқатар тұстарымен келіскенмен жалпы мұндай бастамаға сақтықпен қарайды.

Дельфин, инфлюенсер, @DELPHINE.BONPLANS блогының авторы:

- Саланың кей жақтарын жетілдіруді қолдаймын. Әсіресе, кәмелетке жасы толмағандарға қатысты мәселені қарастырған жөн. Себебі қазір әлеуметтік желіні пайдаланатын жастармен бірге балалар да көп. Оларға бұдан қауіп жоғары деп ойлаймын. Сондықтан оны қадағалау керек. Өйткені олар ненің дұрыс ненің бұрыс екенін білмей жатады.

Журналистер цифрлы маркетинг нарығын Жабайы Батыс деп атайды. Бірақ Францияда бұл сала біршама реттелген. Елде жеке блогерлермен қатар осы нарықта танымал ірі агенттіктер мен компаниялар да бар. Олардың қызметтері негізінен бұқаралық ақпарат құралдарына қатысты заңмен реттеледі. Бірақ Еуропада блогерлікті қадағалайтын әлі бірде-бір арнайы заң жоқ.

Брюно Ле Мэр, Францияның экономика және қаржы министрі:

- Инфлюенсерлердің басым көпшілігі заңды сақтайды. Бірақ алдап-арбау оқиғалары да кездеседі. Мұндай әрекеттер кей кездері білместікпен жасалады. Міне біз заң арқылы дәл осындай олқылықтарды жоюды көздейміз. 

Француздар жаңа заңжобасын арнайы платформада бір ай бойы талқылайды. Ол блогерлердің құқықтары мен міндеттерін анықтап, зияткерлік меншік, тұтынушыларды қорғау сияқты мәселелерді реттейтін болады.

Алия Сыздыкова, Руслан Омиржан