Түркияның Адыяман провинциясында жер сілкінісі тіркелді

Түркияда тағы да жер сілкінді. Бұл жолы табиғат апаты Адыяман провинциясындағы Челикхан ауданында тіркелді, деп хабарлайды «Хабар 24».

Жергілікті билік өкілдерінің хабарлауынша, зілзаланың қуаты 4,4 балл, тереңдігі 7 шақырымда болған. Әзірге жерасты дүмпуінен зардап шеккендер жайлы ақпар жоқ. Бүлінген ғимараттардың бар-жоғы да белгісіз.

Еске сала кетсек, 6 ақпанда Түркияда магнитудасы 7,7 балға тең, жойқын жер сілкінісі болған еді. Соның салдарынан 40 мыңнан астам адам қаза тапты. Жүздеген ғимарат үйіндіге айналды.