Ұлыбританияда ұлықтау рәсіміне арналған фарфор ыдыстар шығарылды

Ұлыбританияда Чарльз үшіншінің ұлықтау рәсіміне орай арнайы фарфор ыдыс-аяқ шығарыла бастады. Оны патша сарайы иелік ететін фабрика жасайды. Кәсіпорын өкілдерінің айтуынша, ыдыстардың әрқайсысы ұлттық эмблемалармен безендіріледі және шектеулі данамен ғана шығарылады.

Айта өтейін, Ұлыбритания патшасын ұлықтау салтанаты 6 мамыр күні Вестминстер аббаттығында өтеді. Оған 2 мыңға жуық қонақ шақырылған.