Норвегияда алтын қазына табылды

Норвегиялық металл іздеуші олжалы болды, деп хабарлайды «Хабар 24». 

Ставангер қаласының маңындағы Ренесой аралында жүргізілген қазба кезінде ол алтын қазына тапты. Одан 9 ілінбелі тиын, 10 моншақ және 3 сақина шыққан. Тиындарда жылқы бейнеленген. Алтын әшекейлердің жалпы салмағы 100 грамнан асады. Қазына біздің заманымыздың 500-ші жылдары көмілген көрінеді. Бірақ соған қарамастан бұйымдар жақсы сақталған. Құнды жәдігер ғасыр қазынасы саналады. Өйткені бұл аймақта алтын көмбе соңғы рет ІХ ғасырда табылған екен.