Қазақстан Кремний алқабында 6 стартап жобаны таныстырды

Кремний алқабында жаңа цифрлық жібек жолы жобасы пайда болды, деп хабарлайды «Хабар 24».

Бұл Орталық Еуразия елдері үшін маңызды. Онда еліміз бен Қырғызстан, Өзбекстан, Тәжікстан және Моңғолия мемлекеттерінің жобалары бар. Орталық Еуразия елдері TechCrunch Disrupt 2023 көрмесінде инвесторларға 14 стартап ұсынды, оның ішінде алтауы – қазақстандық. Халықаралық конференцияда сарапшылар өңірлер арасындағы технологиялық ынтымақтастық мүмкіндіктерін талқылады. Сондай-ақ ғасырлар бойы тауар айналымын іске асырған Ұлы Жібек жолы туралы айтты. Енді оның цифрлық нұсқасы Еуразияның дамып келе жатқан IT кәсіпкерлерін, құрылтайшыларды және стартаптарды байланыстырады.

Әсет Абдуалиев, стартап маманы:

TechCrunch – әлемдегі ең үздік және ең үздік стартап конференциясы. Сондықтан бізге Қазақстан ретінде, біздің жалпы Орталық Еуразия аймағы ретінде осындай конференцияға қатысу өте маңызды. Өз бетімен осындай жұмысты атқару өте қиын. Сондықтан біз бір аймақ ретінде осы жұмысты атқаруымыз керек. Осы жобаны қолдау үшін, стартаптарға көмектесу үшін 3 ай бұрын Кремний алқабында Silkroad Innovation Hub негізін қаладық.