Мексикада сахна құлап, 9 адам мерт болды

Мексиканың Сан-Педро қаласында сахна құлап, тоғыз адам қайтыс болды, деп хабарлайды 24KZ.

Олардың біреуі бала. Тағы 63 азамат жарақат алды. Оқыс оқиға ел президенттігіне таласып жатқан үміткердің сайлауалды науқаны кезінде болды. Саясаткер халық алдында сөз сөйлеп тұрған сәтте қатты жел соғып, сахна шыдас бермей сынып, құлап түскен. «Рейтер» агенттігі таратқан ақпар бойынша үміткер зардап шеккен жоқ.