Техаста дауылдан жеті адам қаза тапты

АҚШ-тың Техас штатында алапат дауылдан 7 адам опат болды, деп хабарлайды 24KZ.

Марқұмдардың үшеуі бір отбасының мүшесі. Қолайсыз ауа райының кесірінен инфрақұрылымға зақым келген. Ағаштар құлап, электр желісі істен шықты. Мыңдаған үй жарықсыз қалды. Жолдар жабылып, қозғалыс шектелді. Күннің күрт бұзылуы Оклахома штатында да тіркелді. Синоптиктер аталған аймақтарда бірнеше күн жауын жауатынын ескертті. Ал билік тұрғындарды аса сақ болып, үйден шықпауға кеңес берді.