Түркияда жолаушылар мінген автобус апатқа ұшырады
Түркияның Анкара қаласында жолаушылар автобусы апатқа ұшырады.
11 адам қаза тауып, 26-сы жарақат алды. Бұл туралы шаһардың денсаулық сақтау департаменті хабарлады. Измирден Ағрыға бара жатқан көлік Анкараның Полатлы ауданындағы Олукпынар ауылы маңында жолдан шығып кетіп, көпір тіректеріне соғылған. Апатқа байланысты тергеу-тексеру жұмыстары жүруде. Анкара губернаторы Васип Шахиннің мәлімдеуінше, жол апатына автобус тежегішінің істен шығуы немесе жүргізушінің қалғып кетуі себеп болуы мүмкін. Зардап шеккендер арасында қазақстандықтар жоқ.