Ливан қарулы қақтығыста қаза тапқандарды аза тұтты
Газа секторының солтүстігінде ахуал ушығып тұр.
Израильдің соққысынан кейін тұрғындардың халі мүшкіл.
Әсіресе әйелдер мен балалар медициналық көмекке мұқтаж. Алдымен мамандар үйінді астында қалып қойған балаларды шұғыл жақын маңдағы ауруханаға жеткізіп, шұғыл көмек көрсетіп жатыр. Айта кетейік, былтыр қазан айынан бері Газадағы қақтығыстан 41400 палестиналық қаза тапты. Тағы 96 мыңға жуық тұрғын жарақат алған.
Ливанда аза тұту рәсімі өтті
Ал Оңтүстік Ливанда Израильдің шабуылынан қаза тапқан бейбіт тұрғындарға аза тұту рәсімі өтті. Израиль әскері өткен сенбіде Ливанның оңтүстігіне әуе шабуылын жасап, бірнеше қалада өрт тудырды. Жергілікті БАҚ-тың мәліметі бойынша Израиль оңтүстіктегі шекаралас қалаларға 50-ден астам әуе шабуылын ұйымдастырған.