«Хезболла» Израильді 100-ден астам зымыранмен атқылады

«Хезболла» Израильдің солтүстігі мен орталығына жүзден астам зымыран атып, 1 адам қаза тапты, деп хабарлайды 24kz.

Тағы 15 кісі зардап шеккен. Бұл туралы Израиль құтқару қызметі хабарлады. Олардың айтуынша, соққы тұрғын үйге дөп тиген. Жарақат алғандар шұғыл ауруханаға жеткізілді. Израиль мен Ливан арасындағы текетірес қыркүйекте Ливанның бірнеше аймағын жаппай атқылаудан кейін күшейе түсті. Ал, «Хезболла» әскерінің қолынан осы уақытқа дейін 77 израильдік қаза тапты. Құрбандар ішінде сарбаздар да бар.