Нигерияда маймыл шешегіне қарсы егу науқаны басталды
Нигерияда маймыл шешегіне қарсы вакцинация науқаны басталды, деп хабарлайды 24kz.
Екпені алдымен медицина қызметкерлері салдырды. Алғашқы күні 30 адам жұқпаға қарсы егілді. Вакцина дозасының алғашқы бөлігін Дүниежүзілік денсаулық сақтау ұйымының тапсырмасымен АҚШ тамыз айында аймаққа жеткізген. Осы айда тағы 900 мыңға жуық екпе жетті. Егу науқанының алғашқы кезеңі 10 күнге жалғасады. Вакцинация құрлықтағы бірнеше елде қатар жүргізіледі. Нигерияда жыл басынан бері маймыл шешегінің 94 жағдайы тіркелді.