Канар араларында 84 мигрант құтқарылды

Испанияның жағалау күзеті Канар аралдары маңында 84 мигрантты құтқарды.

Мамандар ағаш қайыққа мінген босқындар Эль-Йерро аралынан 10 миль қашықтықта байқап қалған. Кейін келімсектер Ла-Рестинга портына жеткізілген. Биыл Канар аралдарына ағылған мигранттар саны өте көп. Испанияның Ішкі істер министрлігінің мәліметі бойынша жыл басынан бері аталған аймаққа 40 мыңға жуық босқын барған. Бұл былтырғы көрсеткіштен 23 пайызға көп.