Бразилияда ұшақ апатқа ұшырады

Бразилияның оңтүстігіндегі Грамаду қаласының орталығында шағын жекеменшік ұшақ апатқа ұшырады. Әуе кемесінде болған барлық 10 адам көз жұмды.

Бұл туралы жергілікті үкімет өкілдеріне сілтеме жасаған «Рейтер» агенттігі хабарлаған. Ұшқыштан басқа 9 адамның бәрі – бір отбасының мүшелері екен. Ұшақ дүкенге барып құлаған. Сол жерде жүрген тағы 17 кісі жараланды. 2 адамның халі ауыр. Қайғылы оқиғаның себебі тергеліп жатыр.