Бакуден Грозныйға бет алған Azerbaijan Airlines жолаушылар ұшағына қатысты әзербайжандық ақпарат құралдары да хабар таратып жатыр. 

Embraer-190 Azerbaijan Airlines бортында 72 адам болуы мүмкін, news Azet  жаңалықтар порталы осылай деп жазды. Алдын ала ақпарат бойынша олардың ішінде 67 жолаушы және 5 экипаж мүшесі бар. Сондай-ақ ұшақтың Каспий теңізінің үстінде жедел дабыл  бергені нақтыланды.  

Report.az: ұшақ апатынан оннан астам адам аман қалды

Әзербайжанның report ақпараттық агенттігінің хабарлауы бойынша, Ақтауда Azerbaijan Airlines авиакомпаниясының құлауынан 10-нан астам адам аман қалды. Сондай-ақ агенттік өрт толық сөндірілгені туралы ақпаратпен бөлісті.

Trend Agency: апат маңына қазақстандық құтқарушылар жұмылдырылды 

Оқиға орнында қазақстандық құтқарушылар тобы жеткізілді. Trend agency ақпарат агенттігігінің хабарлауы бойынша апат болған жерге құтқарушылар тобының жеке құрамынынан 52 адам мен 11 техника жұмылдырылған. Сондай-ақ Төтенше жағдайлар қызметі арнайы Штаб құрып, жедел қоңырау желісін құрды.