Израиль бас прокуратурасы Б. Нетаньяхудың әйеліне қатысты тергеу жүргізуді бұйырды

Израиль Бас прокуратурасы полицияға премьер-министр Биньямин Нетаньяхудың әйеліне қатысты тергеу ісін бастауға бұйрық берді.

Сара Нетаньяху үкімет басқарып отырған күйеуінің жемқорлық әрекеттеріне байланысты сот ісіндегі саяси қарсыластары мен куәгерлерді қудалады деген күдікке ілінген. Осы тұрғыда жақында есеп жарияланып, онда біраз дәлел келтірілген. Сара Нетаньяху бұрынғы көмекшіге басты куәгерді үркіту және саяси қарсыластарға қарсы наразылық шарасын ұйымдастыруға нұқсау берген хаттары табылды. Премьер-министр Биньямин Нетаньяху бұл мәліметтерді "өтірік" деп мәлімдеді. Бұған дейін үкімет басшысына қарсы алаяқтық, сенімге қиянат жасады және пара алды деген айыптар тағылған болатын. Қазір сот ісі жалғасып жатыр.