Араб Әмірліктерінде Гиннестің қос рекорды тіркелді

Біріккен Араб Әмірліктерінде Жаңа жылды тойлау кезінде 2 бірдей Гиннесc рекорды тіркелді.

Рас-эль-Хайм қаласында естен кетпес отшашу болды. Ол "Ағаштың ең үлкен бейнесі" және "Теңіз бақалшығының әуедегі ең үлкен бейнесі" деген 2 аталымға ие болды.

Осы керемет көріністі жасау үшін 1 жарым мыңға жуық 3 кескінді жарық диодты дрондар, лазерлер пайдаланылған. Олар жұлдызды аспан, жерсеріктері мен кометаларды бейнеледі. Ерекше қойылымды тамашалауға жергілікті және әлемнің түкпір-түкпірінен жүз мыңнан астам адам жиналды. Идеяны іске асыру үшін визуалды технология саласының үздік мамандары жұмыс істеген. Рас-Әл-Хаймадағы жаңа жылдық шоу осымен алтыншы жыл әлем рекордына айналып отыр.