Париж 2025 жылды ғаламат отшашумен қарсы алды

Парижде Жаңа жыл мерекесі кең ауқымда тойланды, деп хабарлайды 24kz.

2025 жылдың алғашқы сәтінде-ақ Триумфалды арка маңында түнгі аспанды жарқыратқан ғаламат отшашу өтті. Жиналғандар түрлі-түсті отшашуларға тамсана қарап, тамаша сәтті қалт жібермеуге тырысып, бейнеге түсірді.

Айта кетейік, 2024 париждіктер үшін ерекше жыл болды. Франция астанасы төрткүл дүние көз тіккен Олимпиада ойындарын өткізді. Сонымен қатар араға 5 жыл салып, Нотр-Дам шіркеуі келушілерге қайта есігін ашты.