Израиль шабуылдарынан Газадағы мектептердің 88% зақымданды

Газа секторындағы қарулы қақтығыс білім беру саласына зор шығын келтірді.  Жергілікті мектептердің 88%-і жартылай не толықтай қирап қалған. Біріккен Ұлттар Ұйымы өкілдерінің келтірген деректері осындай.

Өткен тәулікте Израиль әскері Джабалияда босқындар пана еткен білім ордаларының бірін атқылады. Соның салдарынан 8 адам көз жұмды. Ал соңғы үш айда еврей армиясы мектептерге 100-ден аса соққы жасаған. БҰҰ мәліметі бойынша анклавта қарулы қақтығыс басталғалы 30 мыңнан аса мұғалім мен білім алушы қаза тапқан.