Индонезияда жанартаудың атқылауынан 3000 адам эвакуацияланды
Индонезияда Ибу жанартауының атқылауынан 3 мың тұрғын қауіпсіз жерге көшірілді, деп хабарлайды 24kz.
Халмахера аралындағы отты тау маңындағы бірқатар елдімекенді күл басты. Табиғи апаттан зардап шеккендер жоқ. Аралда қауіптің жоғары деңгейі жарияланды.
Айта кетейік, Индонезияда 500-ден астам жанартау бар. Оның 130-ға жуығы әлі де оянуы мүмкін.