«Алматы – Өскемен» автожолында 18 көлік соқтығысты
Бүгін таңғы 08.00 шамасында «Алматы – Өскемен» автожолының Алматы – Қонаев бағытында 18 автокөлік соқтығысты, деп хабарлайды 24kz.
Жол апатына қалың тұман себеп болып, жүргізушілер жылдамдық режимін және қауіпсіз арақашықтықты сақтай алмаған. Жол құрғақ, ақаусыз және бөгде заттарсыз болған. Зардап шеккендер жоқ. Кінәлілер анықталып жатыр.