Қ. Сәрсенбайдың жаңа кітабы жарыққа шықты

Белгілі қазақ жазушысы, публицист Қали Сәрсенбайдың жаңа кітаптары жарыққа шықты, деп хабарлайды «Хабар 24».

Алматылық оқырмандарға таныстырылған кітаптың бірі –  «Корифей», екіншісі «Журналист – өмір барлаушысы. Журналистика – өмір мектебі» деп аталады. Екі басылым да «Тұлғатану» сериясымен шығып отыр.

«Корифей» Қазақстанның халық әртісі Асанәлі Әшімовтың өмірбаяны туралы. Оқырман қызықты дерек пен дәйектермен, тұлғаның тосын қырлары және сырларымен таныса алады. Екінші кітап белгілі журналист, халықаралық «Алаш» әдеби сыйлығының иегері Жанболат Аупбаев жайында. Оның өмірі мен шығармашылығы ұлт баспасөзінің тұтас бір дәуірін қамтиды. «Сұхбат кітаптың» мақсаты – саналы ғұмырын «ашылмаған аралдарды» ашуға тырысқан журналистің еңбегін көрсету, - дейді автор.     

Қали Сәрсенбай, жазушы:

- Кітап жалпы ұлт баспасөзіндегі, классикалық журналистикадағы тұлғалар жөнінде. Олардың тағылымы, тәжірибесі, олардан алған тәрбие. Жалпы осы ұлт баспасөзіндегі қызықты деректер, оқиғалар, көп жағдайды осы кітапта айтуға, баяндауға тырыстық. Жалпы бұл кітапты негізінен журналистика факультеттерінде қосымша бір оқулық ретінде пайдалануға болады.