419,66 501.30 5.64
+7 (7172) 757 485 24kz@khabar.kz
ҚАЗ

Қаңтар айында 52,4 мың адам «Еңбек» бағдарламасына қатысты

  • 75
  • UPD: 10:18, 22.02.2021
Қаңтар айында 52,4 мың адам «Еңбек» бағдарламасына қатысты

2021 жылғы қаңтарда 52,4 мың адам Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасына қатысты.

49,3 мың адам жұмысқа орналастырылды, оның 13,8 мыңы тұрақты жұмысқа орналасқан, деп хабарлады ЕХӘҚМ баспасөз қызметі.

Субсидияланатын жұмыс орындарына 35,7 мың адам жұмысқа орналастырылды, оның ішінде әлеуметтік жұмыс орындарына – 3,7 мың, жастар практикасына – 1,4 мың, қоғамдық жұмыстарға – 30,6 мың адам.

Естеріңізге сала кетейік, 2020 жылы «Еңбек» мемлекеттік бағдарламасына 649 мың адам қатысты. 437,3 мың адам жұмысқа орналастырылды, оның 319,2 мыңы тұрақты жұмысқа тұрды. Жаппай кәсіпкерлікті дамытуға 12,7 мың микрокредит және жаңа бизнес-идеяларды іске асыруға 44,9 мың мемлекеттік қайтарымсыз грант берілді.

Қысқа мерзімді оқыту курстарына 18,7 мың адам жіберілді, ал ТжКБ ұйымдарында оқытумен 18,4 мың адам қамтылды.

Бұдан басқа, еңбек ресурстарының ұтқырлығын арттыру шеңберінде жұмыс күші артық өңірлерден құрамында 5,8 мың адам бар 1,8 мың отбасы қоныс аударды.

Хабар 24 телеарнасы