Covid-19: вакцина алудан Алматы қаласы көш бастап тұр

Қазақстанда бір тәулікте коронавирусқа қарсы вакцинаның толық дозасын 21 541 адам алды, деп хабарлайды «Хабар 24».

27 маусымдағы деректерге сәйкес, Қазақстанда I компонентпен 3 130 095 адам вакцина салдырды, II компонентті 1 891 022 адам алды.

Коронавирус вакцинасының толық дозасын алған өңірлер арасында Алматы қаласы көш бастап келеді – 286 153 адам.

Одан кейінгі орындарда Алматы облысы (197 332), Түркістан облысы (172 785), Шымкент қаласы (147 759), Қарағанды облысы (145 877) және Нұр-Сұлтан қаласы (144 391).

Айта кетейік, 26 маусымда коронавирус вакцинасының толық дозасын алғандар саны 1 869 481 адам болды.