423,75 504.55 5.80
+7 (7172) 757 485 24kz@khabar.kz
ҚАЗ

А.Цой: Тамыз айында тәулігіне 11 мың дерек тіркелуі мүмкін

  • 115
  • UPD: 10:45, 20.07.2021

Тамыз айында елде тәулігіне 11 мыңнан аса адам коронавирус жұқтырады. Денсаулық сақтау министрі Алексей Цой осындай болжамымен бөлісті, деп хабарлайды «Хабар 24».

Алексей Цой, ҚР Денсаулық сақтау министрі:

- Оптимистік болжам бойынша қазір бізде тәулігіне 6 мың адам коронавирус жұқтырады. Ал тамызда вирустың таралуы шарықтау шегіне жетеді. 9 мыңға дейін дерек тіркеледі. Реалистік тұрғыда бұл көрсеткіш 11 мыңға дейін жетуі мүмкін. Сосын төсек-орындарымызға қарай шешім қабылдаймыз. Карантин күшейтіле ме, жоқ па сонда белгілі болады.

Министрдің айтуынша, америкалық Pfizer компаниясымен 2 млн доза препарат жеткізу жөнінде келісім жасалған. Бұл препарат тек төртінші тоқсанда салына бастайды. Ал балалар ата-аналарының келісімі бойынша вакцина алады.

Алексей Цой, ҚР Денсаулық сақтау министрі:

- Балаларды вакциналау тек қана ата-аналарының рұқсатымен жүргізіледі. Біз тек осы мүмкіндікті ұсынамыз. Министрлікте екпе алуға деген өтініш күн сайын келіп түседі. Көпшілік балаларын да коронавирустан қорғағысы келеді.

Хабар 24 телеарнасы