Кезектен тыс президент сайлауы: халық пікірі

Осы күзде елде кезектен тыс Президент сайлауы өтеді. Сонымен қатар Мемлекет басшысы мандатының ұзақтығын 7 жылдық бір мерзіммен шектеу мәселесі қарастырылып жатыр, деп хабарлайды «Хабар 24».

Бұған қатысты қазақстандықтардың өз айтары бар, тыңдап көрелік.

– Бізге ұнап тұр ол. Жаңа кадр, жаңа маман, жаңа өзгерістер керек бізге. Дұрыс.

– Президент емес, Парламент дегенді дамыту керек, күшейту керек. Енді сол дұрыс.

– Президент айтты ғой 7 жылға сайлану керек деп. Енді халық қолдап жатыр ғой.

– Жеті жылдық болғанын мен толықтай келісемін. Толықтай сенімдімін солай дұрыс болатындығына.

– Мәселе меніңше, 5 жыл 7 жылда емес, мәселе шынымен демократиялық жолмен, көзбояушылық жоқ, халықтың дауысымен шығып жатқан болса, 10 жыл болса да мейлі шығар деймін.