430,39 515.14 5.65
+7 (7172) 757 485 24kz@khabar.kz
ҚАЗ

Ақтөбеде 42 жастағы ер адамның мәйіті табылды

  • 173
  • UPD: 16:50, 12.03.2021
Ақтөбеде 42 жастағы ер адамның мәйіті табылды

Ақтөбеде көпқабатты үйлердің бірінің кіреберісінен 42 жастағы ер адамның мәйіті табылды, деп хабарлады Polisia.kz.

6 наурызда Ақтөбе қаласы ПБ ЖБО-ның «102» телефонына жедел медициналық көмек операторынан К.Оспанов көшесіндегі көпқабатты үйдің кіреберістерінің бірінде 4-қабаттағы баспалдақ алаңында пышақ жарақатын алған ер адамның табылғаны туралы хабарлама түсті. Көрсетілген мекенжайға дереу тергеу-жедел тобы жіберіліп, онда зорлықпен өлім белгілері бар 42 жастағы ер адамның мәйіті табылды.

Патрульдік полиция қызметкерлері осы қылмысты жасады деген күдікпен 32 жастағы ер адамды ұстады.

Алдын ала тергеу барысында үйдің ішінде ер адамдар ішімдік ішіп, жанжал кезінде күдікті ішімдік ішетін адамға бірнеше рет пышақ салғаны белгілі болды.

Сот-медициналық сараптама тағайындалды. Күдікті ҚР ҚПК 128-бабының тәртібімен Ақтөбе қаласы УҰИ-ға қамауға алынды. ҚР ҚК-нің 99-бабы (Адам өлтіру) бойынша сотқа дейінгі тергеу жүргізілуде.

Хабар 24 телеарнасы