Павлодардағы кәсіпорында жұмыскерді тоқ соқты
Павлодар кәсіпорнында жұмыскерді тоқ соқты.
Ер адамды күйік шалған және жарақат алған, деп хабарлады Pavlodarnews.kz.
Облыстық полиция департаментінің мәліметінше, жазатайым оқиға қалалық ЖШС-нің бірінде болған. 32 жастағы дәнекерлеуші кәсіпорын аумағында дәнекерлеу жұмыстарын жүргізіп жатқан кезде зардап шеккен. Ер адам ауруханаға жеткізілген.
Денсаулық сақтау басқармасы жұмысшы жансақтау бөлімінде жатқанын хабарлады.
«Жабық бассүйек-ми жарақаты, бас миының шайқалуы және электрошок диагнозы қойылды. Жағдайы тұрақты. ПТР-тест нәтижесінен кейін бейінді бөлімшеге ауыстырады», - деді басқармада.
Полиция департаменті тексеруді бастады.