Павлодарда көлік пен скутер соқтығысты
Жол-көлік оқиғасы салдарынан екі адам зардап шекті, деп хабарлайды Pavlodarnews.kz.
10 шілде күні сағат 21:00-де Малайсары батыр – Қарағанды көшелерінің қиылысында Nexia автокөлігі мен скутер соқтығысқан.
- Салдарынан мотоцикл жүргізушісі ауруханаға жатқызылды. Қасындағы жолаушыға медициналық көмек қажет болды, – деп хабарлады облыстық Полиция департаментінің баспасөз қызметінде.
Көлік айып тұрағына қойылды. Құқық қорғау органдары тексеру жүргізуде.