Қостанай облысында бес көлік соқтығысты

Қостанай облысында Арқалық-Торғай тас жолының бойында бес көлік соқтығысты.

Соның салдарынан бір адам қаза тауып, 9 адам түрлі жарақат алған.  Оның үшеуі жансақтау бөлімінде жатыр. Қарлы бораннан жол дұрыс көрінбей қалған. Оның үстіне көктайғақ болған. Соңғы екі күн бойы өңірде ауа райы бұзылып, барлық бағыттағы жол жабылды. Жолаушылап шығып, далада қалған 9 адамды құтқарушылар, қауіпсіз жерге жеткізді. Оның біреуі бала.