Алматыда "Qnet" қаржы пирамидасын құруға қатысты тағы бір күдікті ұсталды.

Ол азаматтардан ақша жинап, біреуінің жарнасы есебінен екіншісін табысқа кенелтуді уәде еткен. Сондай-ақ, жеке тұрғаларды үгіттеу үшін қаржы пирамидасының қызметін желілік маркетинг деп таныстырған. Күдікті 2 айға қамауға алынды. Қаржылық мониторинг агенттігі мұндай пирамидаларды жою бойынша жүйелі жұмыстарды жалғастыруда.

Әлібек Әбділов, ҚР Қаржылық мониторинг агенттігінің ресми өкілі:

- Бірқатар шет елдерде "Qnet" компаниясы қаржы пирамидасы болып танылды. Сондай-ақ оны ҚР Қаржы нарығын реттеу және дамыту агенттігі қаржы пирамидасының белгілері бар компаниялар тізіміне енгізді.