Оралда өрттен 3 адам көз жұмды

Оралда өртенген гараждан үш адамның мүрдесі табылды.

Қайғылы оқиға кеше кешкісін Құсайынов көшесіндегі үйлердің бірінде болған. Гараждың отқа оранғаны  туралы хабарлама төтенше жағдайлар қызметіне сағат 21-00-де түскен. Алдымен "Нива" автокөлігі жанып, кейін​ жалын көрші үйдің шатырын шарпыған. Оқиға орнына жедел жеткен құтқарушылар шапшаң қимылдап 3 адамның денесін және 4 оттегі баллонын​ сыртқа алып шықты.​ Жарты сағатта өрт оқшауланып, бір сағатта толық өшірілді. Қазір апат себебі мен келген шығын нақтыланып жатыр. Тиісті сараптамалар тағайындалды.