Ақтөбеде наубайхана өртенді
Ақтөбеде көп қабатты тұрғын үйдің бірінші қабатында орналасқан наубайхана отқа оранды.
Өрт наубайхананың қоймасынан шығып, үйдің жоғары қабаттарын түтін басқан. Құтқарушылар көмегімен тұрғын үйден қырық адам, оның ішінде бес бала эвакуацияланды. Өрттің шығу себебі анықталуда.
Азамат Жасамбаев, Ақтөбе қаласы ТЖБ бас маманы:
- Таңғы сағат 05:27-де бес қабатты үйдің бірінші қабатында орналасқан наубайхананың жанып жатқаны туралы хабарлама келді. Өрттің қоймадан шыққаны анықталды, жалын 10 шаршы метр аумақты шарпыған. Қызыл жалын өрт сөндірушілердің күшімен ауыздақталды. Зардап шеккендер жоқ.