Алматыда тепловоз бен автобус соқтығысты

Салдарынан қоғамдық көліктің алты жолаушысы зардап шекті.

Жергілікті полиция қызметі кезекші бөлімінің хабарлауынша, жол-көлік оқиғасы бүгін түске таман болған. Жеке тасымалдаушыға тиесілі 88-бағыттағы автобус, Әуезов көшесімен солтүстік бағытта келе жатып, Гоголь көшесімен батысқа қарай темір жол бойымен келе жатқан тепловозбен соқтығысқан. Оқиғаның басқа да мән-жайлары анықталуда. Зардап шеккендерге медициналық көмек көрсетілді.