Almaty Arena мұз айдыны өртенді

Almaty Arena мұз айдыны ғимаратынан өрт шықты, деп хабарлайды 24kz.

Төтенше жағдайлар департаментінің мәліметінше, кешеннің кіші залындағы спорттық құрал-жабдықтар жанған. Өрт сөндірушілер жеткенге дейін мұз айдынына келушілер мен қызметкерлер эвакуацияланып үлгерген. Құтқарушылар төрт баланы қауіпсіз жерге шығарды. Оның үшеуі ауруханаға жеткізілді. Ал бір балаға шұғыл психологиялық көмек көрсетілді. Өрт сөндірушілер қызыл жалынды жарты сағатта оқшаулап, толық сөндірді.

Бағдат Чайзада, қалалық ТЖД бастығының міндетін атқарушы:

- Шақыру орнынан 40 шаршы метрде ойын батуттарының жануы анықталды. 400 адам эвакуацияланды. Сонымен қатар күш құралдарымен 4 бала құтқарылды. Өрт толықтай жойылды.