Биыл елдегі инфляция 19,6% болды, деп хабарлайды «Хабар 24».
Бұл кейінгі 14 жылдан бері болмаған қымбатшылыққа әкеліп отыр. 11 айда экономиканың өсімі 4,6%-тен 2,7%-ке дейін төмендеді. "Мұндай ахуал жұрттың табысына және әл-ауқатына кері әсерін тигізіп отыр", – деді Президент үкіметтің кеңейтілген отырысында. Жиында елдің биылғы әлеуметтік-экономикалық даму көрсеткіштері талқыланып жатыр.
Қасым-Жомарт Тоқаев, Қазақстан Республикасының Президенті:
- Бүгін еліміздің биылғы әлеуметтік-экономикалық даму көрсеткіштеріне тоқталамыз. Алда тұрған басты міндеттерді айқындаймыз. Қордаланған мәселелер аз емес.
11 айда экономиканың өсімі 4,6%-тен 2,7%-ке дейін төмендеді. Инфляция соңғы 14 жылда болмаған деңгейге жетті. Қазір бұл көрсеткіш – 19,6%. Мұндай ахуал жұрттың табысына және әл-ауқатына кері әсерін тигізіп отыр.