Біздің елде өткен сайлауға өзге елдер де көз тігіп отырды.
Түркияның жергілікті бұқаралық ақпарат құралдары экзит пулл нәтижелерін жарыса жариялады. Саяси сарапшы Якуп Өмероғлұның айтуынша, кез келген сайлау- демократияның негізгі нышаны. Қазақстанда соңғы жылдары саяси реформалар жасалды. Бұл билікпен халықтың арасын жақындатып, ашық қоғам құруға негіз болмақ.
Якуп Өмероғлұ, Саяси сарапшы:
- Қазақстанда сайлаудың тыныш, жоғарғы демократия қағидаттарына сай өткеніне қуандық. Көп партияның үгіт-насихат жұмыстарын жүргізіп, оң нәтиже көрсеткені орынды. Және Парламенттен бірнеше партияның төбе көрсетуі мүмкін. Бұл қоғамның ашықтығын, таңдау мүмкіндігінің жоғары болуының айғағы.